Camera Lucida

Dear kebo,

You are receiving this email because unfortunately we are unable to process your credit card at this time. A common reason for this includes that you may be surfing from a country that is blocked from sign-ups due to frequent fraud attempts or that the charge was declined by your bank.

We are very sorry for the inconvenience.

Sincerely,
The Team

This is probably how I’d look…

Tiskanta biċċa stampa x’sens ta’ nostalġija tista’ tqanqallek. Għal min hu mdorri b’reżoluzzjoni reali (u ġieli anke surreali) u forsi ma jagħrafx x’suppost hemm f’dik il-geġwiġija ta’ pixels hemm taħt, dak huwa aljen maħluq b’teknoloġija tal-1996 fuq il-loki jneħħi l-eskrementi minn ġismu. Screenshot klassika minn Duke Nukem 3D li fuqha kont naħli s-sigħat lejn l-aħħar snin tal-iskola sekondarja. Bilkemm Doom u Quake kellhom l-effett li kellha din fuqi. Min jaf kemm-il darba rripetejna frażijiet klassiċi li kien jgħid Duke Nukem wara li jbiċċer xi aljen forma ta’ ħanżir kbir bħal:

“You, my ass; what’s the difference?”
“I feel like drinkin’ a gallon o’ turpentine, and pissin’ on a brush fire…”
“What are you waiting for? Christmas?”
“No one steals our chicks …and lives!”
“Your ass is grass, and I’ve got the weedwacker.”
“Shake it baby!”

Mhix xi ħaġa ta’ serħan il-moħħ li wara li tkun għamilt madwar 24 siegħa fil-belt eterna it-titli prinċipali tat-tabloids ingliżi jkunu xi ħaġa bħal: “The Eternal City becomes the Infernal City!”. Verament spirtu sportiv!

L-għada skoprejt li kien reġa’ ġara xi ħaġa simili meta ntlagħbet il-logħba tat-Tottenham f’Seville, Spanja. Peresli l-ingliżi neqsin daqsxejn mil-kunċett ta’ awto-kritika caħdu kull tip ta’ akkuża li nġiebet kontrihom dwar l-aggressività li wrew waqt il-partiti.

Fost dan l-għagħa żejjed li qatt ma jieqaf jingħata lil logħba tal-ballun jien kont qiegħed hemm, nissellef ftit stampi.

Kont ilni nistennieh ħafna, ħafna u ħafna. Xtaqt nerħi xi forma ta’ protesta, jew tgergira imma ma stajtx. Il-missirijiet ta’ ma nafx min dejjem tennew biex ma ndardrux l-għajn li se nixorbu minnha u din kont saħansitra se nogħdos fiha. Ħassejtni pensjonant inħuf, indur u napprezza l-ħamiem li kultant tiġini t-tentazzjoni naħseb li dawn xi darba kienu bnedmin ħżiena u issa bħala kastig saru ħamiem bil-ġuħ jittallbu għal farka ta’ bezzun.

Moħħi pero ma kien komdu xejn. L-inċertezza u d-dubju kieluni, apparti tsunami ta’ mistoqsijiet. L-ironija tal-ħajja nebbiexa wisq, tiżfen u togħla bla sabar.

Erġajt ittantajt nerġa’ nħabbatlu fuq il-bieb kbir misterjuż, bħalma kien jagħmel kull mortali li kien jipprova jidħol fil-kastell tal-Konti Duckula b’irkupptejh iċekċku. Did-darba irnexxieli nisma’ l-eku tat-taħbita u deher li kien hemm xi xaqq ta’ risposta wara ħames sigħat ta’ stennija mikula mill-għażż ta’ ġurnata xemxija xitwija. Xiref mit-tieqa u rajt bniedem kbir u xwejjaħ… fl-aħħar stajt nidħol.

Tlajt taraġ iebes biċ-ċangaturi kbar u wesgħin. Bdejt qisni naqta’ nifsi nitilgħu imma ma stajtx nieqaf hemm, mhux issa! Wasalt sa fuq nett u ħabbatt bil-bogħod. L-alabaniż xiref mil-bieb, akbar minn qatt qabel b’żewġ ċineg suwed faħma jżommulu l-qalziet milli jaqagħlu.

“Fiex nista’ naqdik?” qalli b’leħen kemm kemm maħnuq.
“Ħsibtek kont qed tistennieni. Ma qalulekx bija?” staqsejtu jien kemmxejn imdarras.
“Ma jidhirlix… oqgħod bil-qiegħda daqsxejn hawnhekk ħa ninvestiga” u għamilli sinjal b’idejh biex inpoġġi fuq siġġu. Intefa’ fuq is-siġġu u qabad ipejjep sigarett mingħajr m’għaddielu minn moħħu li jien setgħu idejquni s-sigaretti. Id-duħħan tagħhom ma inzertax wieħed antipatku u ma tajtx każ, f’moħħi kelli affarijiet oħra jdamdmu bħal xi ħadd jinkini u jgħajjat mil-bogħod: “Mit-taġen għal ġon-nar!”

——–

Sadanittant laħaq għadda ħafna żmien. In-nar ilħaqtu u ntfajt ġo fih imma oħroġ il-għaġeb mhux qed inħossu jħolli ġildi. Jew forsi għadni ma rabbejtx sistema nervuża sensittiva biżżejjed li tkun taf l-ammont ta’ uġiegħ li dan in-nar jaf jikkawża. F’dak il-każ nitlob li nibqa’ kif jien, illupjat, imqar sa ħamsa u għoxrin qamar ġdid ieħor.